方力申被海蝨咬痛足一日

方力申日前出海游水，未料竟發生小意外，不慎遭海蝨叮咬，弄致多個部位如同火燒，十分難受。昨日小方向大家報平安，表示痛楚已得到紓緩，只是仍有輕微痕癢，問題不大。

小方被海蝨咬痛後，把在海上拍的短片放上網，並講述感受：“由起點淺水灣游去赤柱，再游返起點，全部約十公里。點知游到兩公里左右已被海蝨咬，成塊面好痛像火燒，膊頭、心口、頸會部都痛。據資料說痛一分鐘就無事，但我痛了半個鐘仍然好痛。”其後他留言表示：“我痛到依家，痛咗十一個鐘都仲痛緊！哎呀，好彩游完環島泳才畀我今日咁樣，如果唔係我可能唔敢游。不過更好彩係我游環島泳時冇遇到，可能真係好心有好報。”

小方之後以不同方法去紓緩痛楚，他在網上動態中透露：“沖熱水涼有用喎，可紓緩痛楚。以為凍水涼會好啲，點知原來係要用熱水。”他更嘗試以米醋外敷。昨早他向大家透露已沒有大礙：“早晨，我冇事喇！昨晚半夜仲有少少痛，依家起身好似唔痛，剩返少少痕咋，白醋有用喎！多謝大家關心。”