靚到爆有權變臉

澳馬今午上演六場草地黃昏馬兼直播十場新加坡賽事，是仗外地馬打頭陣於兩點正響鑼，本地馬頭場四點十分開跑。綜觀大局，今日無盃賽，戲碼平淡。各場形勢依然緊湊，馬少場合暗湧重重，熱倒冷爆唔奇，投注執生。騎師任布利、劉永康停賽，其餘原班人馬上陣。

筆者心水推介，第三場二三班千二米，王君適廄“靚到爆”可做馬膽。此駒季內兩捷，同程路有專長。近兩仗無功而回，擺明是等回氣再搏。拚後小休再來，續由鮑羅素熟手操刀，有權變臉。

“靚到爆”L系五歲馬，外地曾兩勝千二米，富作戰經驗。來澳後次仗即開齋，贏後再出喜獲連捷，表現予人好感。“靚到爆”千二米跑來有前有後，近兩仗無心攻堅，乃練者部署馬匹回氣手法。今番唞過再來，復配鮑羅素已有出擊手影。班宜路合，憑騎者駕輕就熟，可勝此局。