疫情下開網店唔擔心

保錡三線同時發展

兩大男子組合Mirror及Error自出道以來，發展不俗，獲大批粉絲支持。隊員Ian、Tiger、193及保錡忙於發展演藝事業外，亦有創立個人時裝品牌做老闆，成為疫情下的另一出路。

Ian早前忙於拍攝ViuTV電視劇《男排女將》，同時要準備即將推出的新歌《鯨落》，但他仍抽空創立了個人時裝品牌。Ian道出創立品牌的構思：“呢排因為疫情關係多了宅家，同時亦多了時間了解自己。發現自己由細到大都好鍾意時裝，以前中學冇乜零用錢，為搵外快，就從日本網站買潮流品牌服飾返港再賣出去，當時好興日牌，所以都賺到外快。”

因為年少時的經驗，令Ian靈機一觸，決定創立自家品牌，所有產品都是由Ian親自設計。他解釋創作意念說：“我推出的產品都由好多拼布再結合唔同東西，變做一個系列。每一塊布、每一件產品都係獨一無二，但將好多件獨一無二產品放到一齊，就會得到更加獨一無二的靚，成為令人值得欣賞的地方，品牌名字iNDIPANDANT的由來，就係想帶出呢種美。”

在第三波疫情下開網店，Ian未有擔心過：“疫市開網店反而仲好，大家唔敢出街留在屋企，反而多了上網，網店購物意慾仲高，因為足不出戶就已經有貨可以送到屋企。”

相比起Ian，Tiger創立自家品牌是受到家人的影響：“因為屋企人是從事製衣行業，入行後，爸爸叫我不如試吓做自己品牌，反正屋企一路以來都係做緊呢件事。”Dezert透露設計靈感來自日本時裝，全因Tiger自小已愛看日本時裝雜誌，加上他獨愛日本風，所以品牌亦順理成章以日本風格作開端。不過Tiger補充道：“我希望風格唔會好單一，所以好多唔同產品都會嘗試去做。”

Tiger希望日後可以跟不同的品牌合作，甚至到不同的地方參展。近日他就找了Mirror兩位兄弟Lokman及Alton一同合作，希望擦出更多火花：“兩位兄弟加入後，希望可以做些街頭感覺重少少的產品，令Dezert 更加豐富。”

熱愛創作的保錡，除了Error本身的工作外，更以獨立唱作歌手身份推出歌曲，此外亦有成立自家品牌。保錡解釋產品的名字原來都跟創作有關，他說：“Obeginning1代表品牌由冇變有、O變一呢個過程，當中有無限可能性，而品牌名字就展示呢個創作過程。”

相比起設計為先，保錡推出的產品其實更隱藏着他的演藝歷程與回憶。他說：“我想在產品上記下屬於我的回憶。譬如我講過咩、或者我作過的歌，每件衫都有個意思，都有我的回憶在裡面。”三線同時發展，保錡坦言全部事情都靠自己一雙手去做：“時間不夠，就惟有早點起身、瞓少一點，也絕不假手於人。”