昨夜賽總投注近二百九十萬

恩利克連中三元

昨晚沙地賽事順利完成。是仗出馬疏落，個別場合只得寥寥數駒作賽，場面平淡。六場賽事總投注二百八十八萬八千元。

頭場五駒角逐情況如同跑狗，恩利克騎史偉恩廄“追鷹”先拔頭籌。此駒季內多仗無法出頭，上次恩利克搏殺跑第二未竟全功。今次原裝配搭轉戰沙地，騎者出閘搶放，一氣呵成輕鬆帶返終點。“追鷹”質新馬開竅後不同估計，下次重來仍堪追捧。史偉恩贏馬交代，恩利克應記一功。

第二場恩利克起孖。此子頭場開餬後乘勝追擊，是場騎浩廄“濠駿”，埋門挫敗同廄“珍珠鴻運”，獲得一口孖寶進帳。“濠駿”近期已取連捷，今挾氣勢再臨。恩利克駕輕就熟出戰，全程留住來跑，入直路才展開強勁衝剌，替馬匹再建一功。浩廄是場包辦馬房Q，恩利克高中二元收穫甚豐。

第三場恩利克連中三元。此子頭、二場起孖後殺得性起，騎蔡鎭威廄“如風”以快打慢，出閘搶放，全程帶頭一放迄終，爆十三倍冷W。此駒上次短途用中野省吾操刀跑梗頸四，敗後增程換將，改配恩利克再搏。騎者接手出擊，贏來兵不血刄交到功課。蔡鎮威喜添一W，恩利克三元進帳，成績一枝獨秀。

第四場黎昌全策謝貴全廄“金精選”勝出。此雙人馬季內頻有戰功，近幾仗不勝即位，表現水準穩定。上次同程入Q未竟全功，今次再來發揮又不同，出閘搶放，由頭直帶到尾，輕鬆勝回一仗。謝貴全贏馬，騎者居功。此雙練騎季末料仍有合作，值得留意。

第五場劉永康勁爆馮廄“軍事紅人”。此駒季內無甚建樹，且場場跑至無影。上次黎昌全主轡落敗，今次用劉永康賠率更冷，獨贏近千三殺至對手一頸血。馮耀正、劉永康攜手添頭馬。

尾場牌仔張志立食尾餬。此子騎兆廐“明軒一號”出閘快步搶先，全程自造步速，順利帶返終點。替馬房建功。張兆煊、張志立攜手食尾餬埋齋。