羅凱鈴分享街頭賣藝感受

歌手羅凱鈴(Judas)為J2音樂訪談節目任嘉賓，大談Busking（街頭賣藝）文化，以及由街頭歌手變成真正歌手感受。

Judas透露細細個已有成為歌手的目標:“但之後唔敢諗，怕畀人話發明星夢。慢慢連自己都唔記得自己係想做歌手，直至開始Busking。”

談到Busking經歷，Judas說：“第一次Busking在天水圍一條隧道，冇人陪我玩。其實睇到地面亦有好多人Busking，但我唔敢到地面唱，因為好驚好怯，最後在隧道唱了三、四首歌就走。有一位觀眾畀意見話我唔夠自信、目光好浮，仲叫我上地面唱。”她又說：“我覺得Busking最吸引到我係舞台好自由，鍾意在哪裡唱都得。揀歌又好自由，唱幾耐都係我自己揀。”

問到今時今日再做Busking，跟之前有甚麼不同？她說：“以前係一位Busker，依家係一位歌手，但我仍然都係一位Busker，我諗最唔同係依家可以唱自己的歌。以前唔敢唱自己作的歌，依家因為自己的歌有派台，變得有信心。”