胡鴻鈞自揭露底瘀事

胡鴻鈞早前亮相訪談節目，被人氣主持Yahwoo大逼供，大談他身邊的紅顏知己，更公開與各人的親密關係、癲喪趣事。

一向女人緣甚佳的胡鴻鈞，曾與不少女星傳出緋聞，調皮的Yahwoo在節目中執意要他從近期傳出緋聞的蔡思貝及鄧佩儀中二揀一，怎料胡鴻鈞想也不想就答道：“我揀謝雪心！我冇乜異性朋友。有好多人聽到話唔係喎，好多女演員朋友呀！但其實我接觸得最多係謝雪心，成日做我媽咪，另外仲有阿Moon（劉佩玥）。”胡鴻鈞自爆與阿Moon的老友鬼鬼程度猶如兄弟一樣，他說：“阿Moon係令我有職業性失聰的源頭，因為佢長期在我右耳仔邊咆哮、大叫，看來我都係與男仔做返朋友好啲。”

胡鴻鈞自爆圈中好友還有黃智雯，不過他卻在對方面前做過一件十分尷尬的事：“前排黃智雯節食，佢着露腰衫，然後話自己好肥，仲見到有肥肉。當時我回應話唔係呀，已經比以前瘦得多了。那一刻佢突然一下抽起我件恤衫，我諗佢係想比較吓大家的腹肌；點知我因為太匆忙出門口關係，褲鏈未拉好。然後佢望一望我、我又望一望佢，佢大嗌一聲：噫！就走開去。真係老貓燒鬚，好尷尬！”