多年閨密情深聯手合作

港普F4正式出道

四位“凍齡女神”蔡少芬(Ada)、朱茵、陳法蓉(Monica)及洪欣憑港式口音的普通話（港普）曾鬧出不少笑料，卻成功在觀眾心目中留下印象。為了延續“港普”傳奇，四位好姐姊妹宣佈正式組成全新女團“港普F4”，希望透過特色口音繼續發放歡樂及正能量。

港普F4日前拍攝了首輯造型照，四位凍齡女神造型簡單自然、不加雕琢，歲月沒有在她們身上留下明顯痕跡，也喚起無數人對那個充滿經典的時代的回憶。

四位好姊妹雖然閨密情深，私底下不時聚頭，原來在工作上卻是首次合作。洪欣表示：“我們有各自分別合作過、有一齊登台唱歌跳舞，但四個人一齊工作合作，真係第一次。”Ada不忘發揮搞笑本色，稱：“係呀，佢哋三個今次好開心可以同我合作，係佢哋最大福氣。”

對於被封為“港普F4”，四人都坦言不介意，更可以互相增加人氣。朱茵透露：“其實幾好呀，一講港普就記得我哋四個人。Ada去拍戲同做綜藝節目時，大家一聽到佢講港普就會諗起我哋其餘三個。”

拍攝期間，姊妹間的昵稱也意外曝光。朱茵續說：“我哋平時私底下唔會叫F4，反而係稱呼大家做死八婆！”洪欣繼續爆料，矛頭直指Ada：“係呀！係Ada的口頭禪，佢叫個個都係死八婆，我哋冇名咩？有時都唔知佢叫緊邊個。”Ada百辭莫辯，引得全場大笑。Monica表示由於她們感情要好，才不會因對方的說話而介懷：“因為熟先唔會嬲。仲記得當年我留長頭髮，Ada話我個妝好似男扮女裝，佢老公張晉好緊張咁話：‘你唔好咁講啦，Monica會嬲。’但我覺得第二個講就可能嬲，但Ada講，我只會覺得幾好笑。”

曾經有人說娛樂圈如戰場，女藝人之間經常競爭得火紅火綠。問及“港普F4”多年來在工作上的相處之道，Monica表示：“我哋之間唔存在競爭！當大家好好朋友的時候，對方接到工作會戥佢開心；可能我有家庭需要，接到個廣告，大家又會戥我開心。”Ada透露最重要是存有大方無私的心，四姊妹之間從未有心病：“我哋四個有樣嘢好，就係都想大家過得好。例如有個廣告接唔到，就轉介給對方都會開心，唔會覺得你搶咗我工作、唔會有心病。”