平磅盃賽利高分馬

周日澳門打吡大賽昨已排位，此場重頭戲摩利高廄“浩勝傳承”及劉志森廄“佳運金”分別抽到二檔及三檔，今仗在全闊草地角逐，無疑佔盡地利優勢。兩駒鞍上人倘發揮正常，賽果唔易爆冷。“浩勝傳承”及“佳運金”實力旗鼓相當，誰可摘冠，要端視騎者如何走位。

同日第四場“主席紀念盃”公開賽，由十一駒跑千二米。劉志森廄“聖靈之都”掛頭牌平磅作賽，計馬實力秤高半班。此駒上仗沙地一五一○米後上得梗頸，是仗頂頭大熱，實在輸得人多。“聖靈之都”拚後休養生息再來，今次操好已有準備。此駒千二米非正宗途程，但上季贏過一場，路程料可應付。鞍上人續由何華麟掛帥，此雙人馬有十次合作紀錄，堪稱老搭檔。今仗平磅角逐抽到一檔，更如虎添翼，贏面高於一切。同場第二高分馬，錢廄“勝利皇星”非泛泛之輩，服役至今獲八冠兩亞三季，實力無須懷疑。此駒能跟能鬥，贏馬途程由千二至千五，乃沙草皆宜全材馬。上仗用牌仔搏殺無功而回，事隔一個月唞夠再來，復配高君濤掛帥，應有不同發揮，屬前駒最大勁敵。第三匹高分馬“珍珠勁旺”季內十二戰取兩冠五亞四季，演出準繩。此駒負重磅亦有好表現，唯易位難贏，跑千二非其首本路。今仗用鮑羅素主轡，平磅作賽未算太吃虧，騎者發揮水準，闖入三甲不為奇。