蒜片尖椒贏馬交代

今晚六場沙地賽事，上陣馬數量不多，賽前來料推介頭場“浩勝星輝”及五場“蒜片尖椒”一對沙地實力馬，啱心水不妨留意。

“浩勝星輝”沙地甚佳，上仗同程得第二保持水準。今仗減負磅，恩利克唔放手有理由，對手不多可望贏馬而回。“賞適”沙地短途唯一出路。重配高君濤擺明車馬，角逐此班形勢佔優，拼盡搏單Q，值得留意。

“蒜片尖椒”沙地實力分子。今戰對手實力甚弱，余健雄操刀人馬合拍，放出可望贏馬交代。“協會一號”季內草地長途贏馬，今仗轉跑沙地謀突破。黎昌全接手一定拼盡，亂局場合單Q一於揀佢。