豐收寶形勢大好

今晚上演六場沙地賽兼轉播八場南非馬。外地馬打頭陣六點四十分開跑，本地馬頭場七點正響鑼。綜觀大局，是仗無盃賽，且出馬不多，各場形勢呈現暗湧，混戰局面熱倒冷爆唔奇，揀馬投注小心選擇。騎師續由原班人馬上陣。

筆者心水推介，第三場一二班一○五○米，譚文就廄“豐收寶”可做此場馬膽。此駒季內連場敗仗，但馬匹評分已減。今次改配牌仔張志立操刀，憑減磅優惠冀勝回一仗。

“豐收寶”沙地起家，短途有六捷勝績支持，可說是路程專家。此駒質素超群，出閘反應夠快，一向靠搶放食餬。上仗一三五○米放至埋門始敗，拚後重新打磨。晨操快試慢踱做足工夫，論馬狀態有進。今番操好再來搏殺，換上牌仔主轡有減磅之利，欣逢路合且對手無多，形勢大好，有權一放迄終，值得優先考慮。