一代巨星埃及相

奧瑪沙利夫，影迷當記得經典《齊瓦哥醫生》。其史詩式記事，係一個時代的愛情悲歌，蕩氣迴腸，百看不厭。尤其主題曲，傳誦至今。佢憑此片奪奧斯卡最佳男主角獎，係一生最高成就。

其實奧公名片絕不只此。與彼得奧圖合演《沙漠梟雄》（有譯《阿拉伯的羅倫斯》），千軍萬馬，大器磅礡。就曾奪奧斯卡最佳男配角獎。然佢亦有露肉之戲。與格力哥利柏演《神龍猛虎闖金關》，清溪裸浴，瞓身全裸出鏡，搶盡女角鋒頭。

奧公典型埃及樣，兼具巴勒斯坦、敍利亞、黎巴嫩血統，濃眉大眼，輪廓清晰，有型易扮相，尤演少數族裔，形神兼備，荷李活冇幾個。

演戲以外，奧公除兼有數學及物理學位，竟還係世界橋牌協會會長，打橋牌一流，曾在伊朗國王御前獻技。亦著書立說，引領世界橋牌潮流，誠一傑也！

五年前今日，奧公以八十三齡駕鶴西去。

西門公子