麥潔文揭《夜夜痴纏》係飲歌

歌手麥潔文作客香港開電視《娛樂頭條》節目，即場向主播馬梓軒傳授唱歌技巧。她表示唱歌前先要學會兩件事：“唱歌前嗌聲好重要，平時要識得保養把聲。我成日叫學生唔好打邊爐同BBQ，因為會對把聲造成好大傷害。”

麥潔文於九十年代已經開始教唱歌，她稱多年來遇過不少奇人奇事：“我以前遇過一個學生，佢每次嗌聲，把聲都好震！後來我同佢傾偈，原來佢爸爸做針炙師，支針拮落去會係咁震，佢就係呢種感覺！所以肌肉好難平定，最後佢選擇放棄，冇繼續學唱歌啦。”

談及她的一九八四年經典歌《夜夜痴纏》，一直流傳是廣播界禁歌，傳聞播放時總會有怪事發生。麥潔文坦言自己都有感覺過：“有次夜晚聽到有人播呢首歌，我個腦突然間一片空白，好似聽唔到嘢咁。呢首歌的前奏有個位係特別令人有感覺及幾嚇人。但我覺得最緊要大家唔好咁多邪念就冇事。（而家仲敢唔敢唱？）點會唔敢呀！我成日演唱會都唱，係指定歌曲，唔唱唔得。”