盧頌恩返九龍城懷緬童年

日前，“香港開電視”藝人盧頌恩（妹頭）與主播馬梓軒重遊九龍城。原來這裡是妹頭童年成長的地方，她更專程再去品嘗兒時最愛食的魚蛋粉和豆腐花。妹頭還特別帶來一張她當年讀幼稚園時成績表，當中她的成績和品行均不俗，唯獨Kindness（良善）一項被評為C+，她笑言可能自己小時好野蠻：“例如我想要嗰樣嘢，媽咪唔買畀我，我就會扭計，賴死唔走！”

談到小時在九龍城上課的情景，妹頭更是滔滔不絕：“以前機場仲未搬去赤鱲角，上堂嗰陣不時有飛機經過！我哋全班師生都好有默契，一有飛機經過，無論講到邊，大家都會自動收聲！然後等飛機過咗先會繼續，嗰陣我哋都已經習慣晒聽到呢啲噪音！”