昨黃昏馬總投注逾四百五十萬

賀輝兩廄恩利克起孖

昨天黃昏馬順利完成。六場賽事總投注四百五十三萬九千元。

是日天晴地好，角逐過程激烈。頭場八駒出戰爆大冷。賀廄雙龍出海戰術，“亮點”成熱門輸至無段好睇，反而同廄“聯安神童”由黎昌全操刀，爆三十一倍大冷W。此駒跑千五米從未贏過，上次千二米闖入三甲。今仗增程搏殺，得廄友搖旗吶喊，結果爆個不亦樂乎。賀蘭杜夫“底出”成功，黎昌全贏馬添進帳。

第二場鮑羅素贏兆廄“天下為峰“。此駒上次由恩利克跑同程輸至脱節，今次走馬換將用鮑羅素再拼。騎者出閘守住內欄好位，沿途謹慎從事，入直路展強勁衝刺，將對手一網打盡。兆廄近期守齋，今次贏馬破悶局，鮑羅素應記一功。

第三場何華麟贏馬。此子騎輝廄“康安之星”以強橫後勁挫敵。此雙人馬季內已有戰功，上場跑同程敗後小休再來。今於二班作賽負重磅出閘失先機，但憑一條直路殺上撼低對手，贏來予取予攜，反映實力超班。同場大冷馬“皇庭好友”林凱後上入Q派彩逾三千。“金精選”闖入三甲，三重彩派逾六萬，中者和味。何華麟、李家輝齊添頭馬。

第四場賀廄喜中孖寶。旗下“美麗閃耀”由恩利克押陣，出閘快步搶，沿途貼欄守住領先地位，帶至入直路發力悉先衝線。此駒上次交田中正一主轡，出閘甩拖落敗而回。今次增程易配由恩利克出戰平反敗局。賀蘭杜夫是日兩元進帳，收穫不俗。

第五場余健雄贏譚廐“壓鑄合金”。此雙人馬上次沙地一五一○米力拼闖入三甲。今於五六班混合賽轉戰草地千五米，藉一檔地利相助，終於勝回一仗。“壓鑄合金”沙草俱佳，同余健雄夠合拍。譚廄增添一W，騎者亦居功。

尾場恩利克爆冷贏輝廄“妙算金龍”，騎練齊起孖。此子替賀廄“美麗閃耀”嬴馬後，是場騎“妙算金龍”憑較佳留放後上掄元。跑完獨贏有八倍分頭不俗。輝廄是日摘取兩W。恩利克亦高中兩元食尾餬，騎師成績至佳。