溫碧霞嘲麥德和怕醜仔

溫碧霞(Irene)與麥德和主演經典電影《靚妹仔》在一九八二年上映，相隔卅八年後電影再度在港重映，前晚舉行VIP場，兩位主角重溫舊作泛起不少難忘回憶，麥德羅亦有到場支持胞弟麥德和。該片是溫碧霞出道作，當年只得十五歲未成年，正值最反叛時期，父母管教好嚴。中學時她搬出來住想接觸花花世界，沒料在街上給星探發掘。她感慨：“呢部戲改變我一生，人也變乖了，專心做演員，當時屋企好窮，好想快些踏足社會工作幫補家計。”

會否以製作人身份重拍此片？她稱：“沒有想過，部戲太經典很難再超越，當時幾個女仔都係新人，拍攝手法都好大膽，好多場戲也是偷拍，好似跳地鐵，在紅隧截停車輛，有人發現就被趕，但拍出來的鏡頭好真實，當年票房大收過千萬，又獲提名多個獎項，是個好開始。（再上映有冇票房壓力？）冇，現時都有好多舊戲再上，今次主要是支持導演和自己第一部戲再上。”她最開心這次見回不少老友，笑指麥德和跟以前一樣怕醜，以前經常被她們幾個女生整蠱到面紅。麥德和笑謂：“以前的男仔女仔都好純，碰到手仔都面紅。”