濠俠贏馬破僵局

今晚六場沙地賽事，賽前來料推介頭場“火星代表”及四場“濠俠”一對高君濤座騎，啱心水不妨留意。

“火星代表”質新實力未顯露。今晚試準而來，交由高君濤策騎唔係講玩。對手實力平平，可望先拔頭籌。“佑聖”上仗在同程拼入第三，惹人好感。今戰續由鮑羅素操刀夠合拍，排檔理想且負磅輕，單Q一於揀佢。

“濠俠”季內以沙地同程表現最佳。今仗高君濤唔放手一定有理由，有力贏馬打破僵局。“如詩如畫”上仗在同程交出水準。今晚續配張志立負磅減輕有助發揮，留放得宜可與前駒一Q返來。