軍事紅人拚盡可勝

今晚六場沙戰形勢混亂，提防熱倒冷爆。馬圈輪流搵食，騎師近期高君濤最醒。練者馮耀正亦唔差，前仗中三元，上次又添一W，至今累計三十八W，成績一枝獨秀，今晚佈強陣，拚盡又可贏馬。

馮耀正乃前屆冠軍，上季雖無緣染指，但整體成績唔差。今季馬房排名榜首，且頭馬拋開對手，邁向冠軍寶座愈來愈近。今仗馮廄精兵列陣，旗下多駒試準要“郁手”，睇環境可數餬，臨場要吼。

第二場：四班一○五○米。“軍事紅人”連仗無功旨在減分。今番落班遇弱旅，形勢逆轉。此駒上季同程爆冷闖入連贏，敗於現居二班“金寶馬”腳下，可見今居四班佔盡便宜。今改由安萬堯主轡，配搭完整。騎者季內效力馮廄交得準。路合班宜，拚盡可勝。

第四場：三班一五一○米。“浩勝駿綵”上仗安萬堯操刀取勝，表現悅目。拚後匆匆再戰，易配何華麟執韁論配搭亦強。馬匹拚後再磨，狀態更勝上回。增程續戰，負磅驟減，形勢依然有利。憑馬勇路合，可再下一城。

第五場：四五班一五一○米。“麥包勁駒”季初贏完即部署減分，再無頭馬見面。連敗六場至上次才跑入三甲，有復甦跡象。此駒沙地唯一出路，今於四五班混合賽應佔優勢。拚後匆匆再來，班利路合，續由安萬堯熟手主轡，可將對手一網成擒。