吳若希新碟製作拖足四年

吳若希(Jinny) 日前接受TVB娛樂新聞台節目主播許文軒專訪，大談相隔四年推出唱片及再度懷孕感受。

Jinny透露新碟製作過程就好似陪住她成長一樣：“最早錄的是《泣血薔薇》，錄音時剛好我媽媽撞傷入院，當時我把聲係爛晒；《麻醉》呢首歌係講我老公拍拖時的關係，我本身好鍾意隻歌，但又愛又恨。大家聽過就知我老公未同我結婚時有幾多大話，搞到依家我聽到歌詞就好嬲，因為我最憎人講大話。”

被問為何時常公開談老公的惡行？Jinny笑說：“其實唔係情趣，係事實！因為用溫和方法對男仔係冇用，不過有了家庭的男人會變得成熟。佢依家唔同咗，但仲有好多進步空間。”