齊打卡影靚相

SP藝人分享teamLab攻略

超級娛樂藝人日前受邀齊齊現身“澳門teamLab超自然空間”，MFM、高菁、吳家琪、何嘉茵盡情拍照打卡。雖然當日蘇菲仍在坐月未能出席，但她坐完月後第一日便迫不及待去teamLab補打卡。多位藝人亦於專頁連續分享打卡攻略及影靚相貼士，讓粉絲一睹為快。

MMFM特地拍體驗短片，他們分享道：“一進teamLab就有一種時光隧道的感覺，先看到繽紛的落英，還聞到花香撲鼻，每推開一道布簾，都讓人驚喜不絕。本想只是一個工作拍照日，意想不到我們參觀了三個小時，不停拍照、不停玩樂。teamLab現已正式開放，有興趣的市民可以盡情去拍照玩樂吧！”祖絲力推稱：“周末同閨蜜去邊？梗係去teamLab打卡啦，靚景多到令人樂而忘返，加上超大空間、超多靚景點，老少咸宜。而我就最鍾意頓時令人童心回歸嘅3D球體飄浮空間，彷彿一個大型波波池。”AJ說：“睇嚟呢個暑假又多一個新的好去處了。我很喜歡其中的‘花與人的窪谷’，那個空間同時存在多個季節，每一刻呈現嘅狀態會跟隨人的互動而變化。穿白色就可以輕易捕捉花朵最美麗的一刻。”羅嘉豪則表示：“謝謝威尼斯人邀請，第一次看展覽由進場‘嘩’到離開，真的太太太好看！除了好看，樓高八米的空間沉浸感十分強。作品還會跟隨人的互動而改變。大家一定要去水晶宇宙打卡，最佳影相位。”

何嘉茵又有另一番體驗，“期待已久的澳門teamLab由專業藝術團隊打造，面積達五千平方米的‘身體沉浸式美術館’，一齊嚟探索人、自然及世界的新角度，將身體浸入這個複雜而立體的世界。到處都靚到嘩嘩聲，影相影到唔捨得走，不愧為著名影相勝地。澳門teamLab仲有我最鍾意的親子樂園，小朋友玩的同時也能學到知識，下次會帶豬仔包（何嘉茵囝囝）去玩。”

新人吳家琪 (Melody) 與高菁亦受邀，Melody表示：“感恩今次有機會跟SP大家庭一起出席活動，聞名已久的teamLab終於嚟到澳門威尼斯人！真係期待咗好耐，着白色衫影相感覺好有仙氣。”而高菁則說：“我自己最鍾意無窮無盡的水晶宇宙，有震撼到我！醒個小貼士畀大家，由於部分場內地面起伏不平，入場人士可以着平底鞋或波鞋，體驗效果會更好。”

產後剛坐完月的蘇菲，忍唔住要去補打卡，她說：“坐完月第一天就去咗teamLab慶祝，趕得切喺六月十五日正式開館前搶先體驗吓。我着咗一個月睡衣，終於有得着吓裙仔啦，提提大家要着長裙，因為有好多鏡面地，不過如果好似我當日着短裙的話，場地都會有圍裙提供。館內除咗有超多必影打卡位之外，發覺館入面最好玩嘅係兒童區域，小朋友嚟到一定可以放足全日電，好想帶‘小麥麥’嚟玩，可惜佢先一個月大，哈哈。”

文：白石悟