馬湯戀被彈太低調

常聞閃婚，“閃緋”聽過未？馬國明、湯洛雯示範給你看。

粉絲眼睛雪亮：黃昏街頭同行，並沒有拖手，兩人就承認“我們拍拖了”； 隔天更自爆已見過雙方家長，嚴重地打破了藝人緋聞六步曲。六步併作兩步走，浪費了大好緋聞。

緋聞第一階段：傳媒捕風捉影，藝人左閃右避。

第二階段：兄弟姐妹抽水緋聞福利，不停見報：我知，但我唔講；我們一起吃飯，他倆總坐在一起。

第三階段：頻說被閨密出賣，姐妹這個不知、那個不和。

第四階段：係，我哋好啱Key，正在發展中。

第五階段：突然火爆狂潮，出現第三者、第四者，緋聞大混戰。

第六階段：見父母、議訂婚期、兩年後才擺酒。

藝人靠角色受人注意，成名靠緋聞。一年內，觀衆仍記得你，隔日要有新聞、隔半年未必有一齣戲。“馬湯戀”第一天曝光“拍而未拖”，翌日飛躍到“早已見家長”，不但“閃緋” ，“閃婚”亦大有可能，請看看“見家長”情形。

湯洛雯自言父親湯鎭宗對未來女婿讚不絕口：“對馬國明印象好好，話佢對任何人都好有禮貌、好踏實。不過，唯一唔好係太低調。有實力唔需要太低調，呢個只係講笑啫！”作為未來外父，唔講得笑，讚到馬明天下冇，等於已經“以女相許”，坐定粒六，毋庸反悔矣。

未來外母見女婿亦有讚冇彈：“馬明與電視上一樣咁斯文有禮，（畀幾多分？）一百分，希望之後佢會超越滿分。（馬明覺得自己年紀唔細，似心急結婚？）我覺得佢呢個年紀係時候結婚，希望佢哋開花結果。”湯太强調：“我知道佢哋傾咗一段時間電話，有一定基礎，確認咗先見家長。我好放心將個女交畀佢，亦相信個女嘅選擇。”

湯生湯太一番話，似批准“馬湯戀”的婚事了：“我將個女畀你，唔好太低調。”

（馬湯飛躍式緋聞：二之一）

高梁