佳運金四捷顯實力

輝煌昇連勝收夠籌

馮耀正上周五沙地夜賽全力搏殺，憑“滿貫藍寶”、“浩勝盈輝”及“好運先生”增添三場頭馬，現累計三十四W，比次席王君適多十一場，繼續保持領先地位。練者今季重拾盟主寶座雖未十拿九穩，但有十一場優勢，賽至埋尾對手要反先不易，故摘冠機會甚大，最低限度已平了前屆三十四場頭馬奪冠紀錄。

騎師之爭漸趨白熱化，高君濤上周共取三冠三亞兩季，現有四十四W在手，比余健雄多十四場頭馬，除非有意外，否則今季冠軍屬其囊中物。高君濤近期勇得交關，五月份至今共取十九勝，頭馬連贏十期未斷纜，令人刮目相看。上周五替鄒欽華馬房“甜餅乾”押陣，取得漂亮勝仗。此匹低分馬高君濤發揮水準，賽後獲練者稱讚。高君濤跑沙地一向有揸拿，此子除搶閘功夫了得，騎放頭馬及鬥後勁皆有一手，季內沙戰共取二十場頭馬，計勝出及上名率不差。今季草戰成績亦佳，至今共取二十四場頭馬，比沙地更醒神。上仗“佳運金”憑較佳留放連下四城，人馬此役盡顯實力，四歲馬勇熟有加，草地千五至千八皆有勝績，季內若夠分跑打吡不容小覷。

高君濤有得有失，上周六騎“輝煌昇”無功而回。此駒前次贏打吡預賽獲得入場券，上仗跑“堅尼大賽”受人追捧，表現走樣。賽後有馬迷說，此駒季內已取四捷，馬匹由三十九分起步，贏至上次七十二分出戰，馬匹擺明收夠籌，留待日後跑大賽，此說見仁見智，但“輝煌昇”上仗表現與贏馬時確是判若兩駒。