陳穎欣野蠻港女本色演出

女子組合Super Girls成員陳穎欣早前與MIRROR成員江爗生及歌手陳凱詠，獲邀聲演DJ奧仕卡的電台廣播劇《Last Seen》。於劇中聲演野蠻港女的陳穎欣，直言相當過癮，更表示︰“這個角色搞笑之餘又愛撩是鬥非，錄這個廣播劇時我還經常爆肚，不斷窒他們，覺得好好玩。”

陳穎欣笑言︰“今次係我首次錄廣播劇，為令大家覺得好笑，我會再演繹得更乞人憎去窒他們。其實呢個角色有少少似我，都係比較古靈精怪，唔鍾意悶同愛搞笑，而且愛整蠱人，不過呢啲其實是愛對方嘅表現。”起初四人錄音時未有見面，靠Whatsapp錄對白變得熟絡，陳穎欣表示︰“大家好似網友咁，每晚錄完一集都會繼續吹水傾偈，當大家首次見面時，好似已熟咗好耐嘅朋友咁。”