金寶馬擺明要搏

上仗爛地作賽高君濤續有頭馬見面，此子已連贏八期未斷纜，表現醒神。今晚座騎仍有精品，拼盡可勝。另路人馬恩利克近期手風回轉，今仗手上惡馬多，騎師輪流搵食，此子又可數餬。

恩利克季初成績不俗，排名居次席。但前兩個月表現走樣，成績陷於低潮。至五月份摘取三W轉好，現排名重返三甲。恩利克騎功不差，偶爾打吓時價波唔奇。今仗六駒來自多個不同倉口，睇環境會“郁手”，臨場可吼。

第二場：四五班一○五○米。“縱橫小子”今季連拼未竟全功，但季尾逐漸成熟。上仗同程開齋，高君濤贏得容易，表現大幅進步。拼後乘勝追擊，今次易配恩利克，論配搭仍不俗。此駒跑沙地合發揮，憑馬勇路合，拼盡可添食。

第四場：三班一○五○米。“金寶馬”季初贏完後再無頭馬見面，近期連敗減分。今次落班重返勝途，易配恩利克操刀來者不善。“金寶馬”跑至季尾狀態回起，沙地同程唯一出路，今番落班擺明要搏，憑底質支持可勝此局。

第六場：四五班一○五○米。“火星代表”今季服役只取兩位，仍未出頭。但質新馬潛力未盡，全熟後料有進步空間。此駒宜沙宜草，跑同程曾有入位紀錄。今次幕後起用恩利克操刀，應不會無的放矢。騎者接手出戰，料必拼盡爭功。