樹大招峰形勢大好

澳馬今晚上演六場沙地賽兼轉播八場南非馬，本地馬頭場七點正開跑。外地馬頭場七點十分響鑼。騎師田中正一原本停賽兩日，但願罰款代刑，故今仗仍可上陣，聯同原班人馬參戰。綜觀大局，各場出馬不多，部分場合只得七駒角逐。馬少暗湧甚大，尤其夜賽慣性爆冷，投注要執生。

筆者心水推介，第五場三四班一五一○米，謝偉豪廄“樹大招峰”可做馬膽。此駒連仗獲贏位各一，表現水準穩定。拚後小休再來，續由高君濤主轡配搭堅強，今遇對手多屬其蹄下敗將，贏面高於一切。

“樹大招峰”論質不高，勝在近況勇猛，表現穩定。此駒上季屢拚未能出頭，至今季始開齋，馬匹有長足進步。連仗不勝有位，高君濤騎來尤合拍，走勢前後兼具。今次原裝人馬復跑首本路，同場對手寥寥無幾，形勢大好，可優先考慮。