麥包仲未睇化

過檔ViuTV的“麥包”麥長青，自爆在無線三十三年的“屈辱辛酸史” 。他遭導演喝斥，覺得受到侮辱、好冇癮：“呢行人鍾意踐踏別人自尊，覺得咁樣才有存在價値。”

有一年，電視台招聘PA（助導），甚麼都關佢事，非常辛苦，薪金只有幾千元，但應徵者過千；起碼大學畢業，更多留學歐美學電影，這麼多精英爭做這份粗重工作，而且還要不分日夜。友好監製笑語記者：再低人工，或沒有人工，都有人爭崩頭入職做PA的。第一，學了周身本領後英雄要有用武之地。第二，電視台有最先進各類型的機器讓你發揮。第三，最過癮的無以尚之收穫是：阿姐、阿哥這些神聖不少侵犯的人物，到了片場也任你呼喝。

導演大晒，其實許多時係助導狐假虎威。不少名導演身邊都有六、七個助導，懶師父才會出到高徒。呼呼喝喝，大家心急為戲好，鬧大明星也自娛。

麥包三十三年屈辱，僅指被導演“辱罵”，屬於自己唔化。除非你是伶王：“得嘞，唔使搞咁多嘢，見我樣就收錢。”娛圈至理名言：“你紅，人哋跪地捧錢求你。你黑，你跪地求人，送上銀紙都冇人理你。”麥包應該見盡人情冷暖，怎會被導演窒幾句都耿耿於懷！

做導演，要拍齣好戲，也很勞氣的。一個表情不合自己心意，周星馳“想殺人”；吳宇森默不作聲撼頭埋牆；有武俠導演講七字經、不放飯。亦有王家衛類型的導演，係都要你做到佢滿意為止！劉嘉玲抱怨到現在：“唔通我唔識做戲咩，一個微笑，演了三十六次。肌肉都僵化了。”是否侮辱呢？藝眼各不同。

不甘做二、三線閒角，麥包仍憧憬做男一，目前在努力寫劇本，希望將來跟ViuTV合作拍劇，實行自己捧自己。

其志可嘉，知恥近乎勇。ViuTv也需要一個大突破，人爭一口氣，台爭一個劇。

高 梁