阿努納奇質新勇進

馬季賽至六月，尚餘三個月又煞科。季尾練者冠軍之爭鬥得激烈，目前馮耀正續領風騷，今仗馮廄兩駒參戰，且看有無頭馬見面。騎師高君濤現以四十W帶頭，此子近期手風大旺，今全力搏殺有權起孖。

高君濤五月共取十五W，氣勢迫人。此子現多余健雄十一W，成績彈甩對手，今屆有望重奪冠軍。高君濤贏馬停不了，今仗五駒在手，實力匹匹夠惡。馬迷捧騎師，可視此子為扶手棍，臨場吼緊。

第一場：“特別條件”千二米。“志仔鮮生”前仗跑同程高君濤贏來易如反掌，上次原配重來遇地淋無功而退。敗後積極操磨，今次續跑開齋路仍合腳法。此駒饒有速度，高君濤主轡人馬夾檔，今遇對手多不穩分子，拚盡可復前失。

第二場：四五班千五米。“協會八號”上仗用牌仔拚得梗頸，但敗未脫節。跑完上場休養生息再來，今番原程續戰，幕後起用高君濤操刀形勢逆轉。質新馬實力未盡露，復課操練甚力，今遇同組對手減弱，憑騎者功架可替馬匹開齋。

第六場：四班千二米。“阿努納奇”上仗交高君濤操刀即開齋，人馬表現夾檔。此駒前竄速度夠快，今番續跑千二路有專長。馬匹質新勇進，拚後重新打磨，復爭同程合發揮。高君濤已駕輕就熟，憑人馬夾檔，可爭連捷。