速遞良駒可爭連捷

澳馬今午上演六場草地賽，在移欄八米跑道角逐，頭場兩點正開跑。各場形勢緊湊，部分馬少場合暗藏殺機，賽果爆冷唔奇。練者劉志森高掛免戰牌。騎師陣容任布利停賽，其餘原班人馬出戰。

筆者心水推介，第五場四、五班千五米，王君適廄“速遞良駒”可做此場馬膽。此駒上仗同程負頂磅得第二，賽後抗議“妙算威龍”頭馬資格得直，由亞軍升上冠軍。馬匹此役表現已見回勇。拼後原配鮑羅素再來，負磅減壓，可爭連捷。

“速遞良駒”三歲澳洲馬，潛力未盡露。來澳後首戰即打開勝門，該仗草地千二米贏來予取予攜，反映早熟兼具好速度。初出贏後連仗落敗，上次唞夠出戰千五米，跑來生氣重現。此駒拼後小休三周再上征途，賽前廄中人悉心打磨，周內晨操鮑羅素亦親自摸過幾課，論馬狀態有進冇退。“速遞良駒”路合且磅位稍減，形勢有利，憑鞍上人駕輕就熟，可再勝一局。