性感Look行山彈起
陳欣妍人氣急升猛接廣告
索女組合Double S的陳欣妍(Shirley)，因為拍攝ViuTV行山節目《美女郊遊遊》而人氣急升，最近工作接踵而來，更首次為服裝品牌拍攝宣傳照，演繹新一季服裝系列，展現不同風格。拍攝當日正值炎夏，攝製團隊需走遍不同大街小巷及café取景，Shirley中途更因為太熱出動雪條及電風扇降溫。
Shirley透露當日試了十個不同造型，當中較喜愛文青打扮和帶點Sporty的健康小性感Look：“當日天氣又熱又焗，身上着緊嘅sports bra就好好，好有彈性又排汗，好適合夏天做運動着。而我自己好鍾意大地顏色嘅衫Earth Tone，好易襯，剛才着嘅一套係麻棉質地，望落去好文青，着上身又好涼爽！”被問到會否着情侶裝，Shirley甜笑分享有時喜歡着男裝或作中性打扮：“近年流行Boyfriend Style，我有時都會去買男裝或者Oversize嘅衫，可以Carry到型格一面。”
提到拍攝日正值炎夏，還要走外景去到元朗Café，Shirley則大讚該店環境漂亮，外面的街道又似台灣。她說：“我感覺好似去了一個小旅行，其實自己都有個夢想，一直都想開間café，呢間店感覺好文青，係我理想中嘅café。”談及未來工作動向，Shirley說正在為ViuTV拍攝烹飪節目，笑言再拍一輯《美女郊遊遊》都沒問題：“但千祈唔好掟我落海，因為我唔識游水，同埋唔好叫我玩笨豬跳，真係好驚，畀一百次機會我都做唔到！如果想我行晒全香港嘅山都可以，或者行十日十夜我都OK！”父親節臨近，Shirley稱會與家人食飯慶祝，覺得每日過得開心都是父親節。
