冠中冠擺明要添食

澳馬戰火續燃，今午上演六場草地賽事。是仗移欄八米角逐，頭場兩點正開跑。外地馬仍無得轉播。各場出馬亦不多，形勢呈暗湧，低班混戰局面，兵兇戰危，賽果熱倒冷爆唔奇，投注要執生。騎師任布利停賽，其餘原班人馬上陣。

筆者心水推介，第二場四班千五米，李森廄“冠中冠”可做馬膽。此駒連場搏殺贏得漂亮，氣勢正盛。今次增程出擊，續由高君濤操刀擺明要拼，可謀取三連冠。

“冠中冠”上季兩戰無功，今季七戰共取兩勝四位，表現大幅進步，馬匹成熟漸足。此駒前仗贏完千五米後轉跑千二米再捷，愈戰愈勇。拚後小休再磨，狀態保持得好。今次增程再戰，幕後擺明要添食。“冠中冠”一向同高君濤夾檔，此子騎李森廄馬交得準繩。此駒跑均速，直路竄勁煞食，高君濤再接手料必盡拚求逞，可視作馬膽看待。