金槍霸作膽贏面高

澳馬今晚上演六場沙地賽，頭場於七點○五分開跑。綜觀大局，全晚出馬不多，混戰局面形勢緊湊，個別馬少場合暗湧重重，賽果熱倒冷爆唔奇。騎師中野省吾仍停賽，其餘續由原班人馬出戰。練者劉志森廄無馬參賽，高掛免戰牌。

筆者心水推介，第三場二班一○五○米。謝貴全廄“金槍霸”可做此場馬膽。此駒上仗同程大熱，贏來兵不血刃，表現復勇。拼後唞夠再來，原配余健雄乘勝追擊，憑駕輕就熟，可再下一城。

“金槍霸”三歲馬早熟兼好速度，上季至今六戰五勝一位，從未脫過三甲，上名率百分百。此駒前速煞食，沙地同程起家。上次出閘由頭帶到底，輕取“家裏有礦”個幾馬位，贏來極從容，由此反映，馬匹實力還有在手。拼後重新打磨，晨操余健雄親自摸過，論馬狀態進展良多。此番原裝配搭重上征途，遇同組對手弱旅居多，贏面高於一切。可作膽看待。