湯洛雯唔認筍盤寧願遲婚

“靚湯”湯洛雯昨日回電視城拍攝新劇《一笑渡凡間》，她透露全套劇難得只有她是女裝打扮。劇中飾演女捕快的她，昨日拍一場講述她被人捉去扮靚的戲，被蕭正楠見到後驚為天人。

三十三歲的靚湯近日被爆以首置名義豪擲四千五百多萬購入豪宅，對於被指是“筍盤”、有樣有身家的“白富美”。靚湯昨日謙稱：“屋企人係筍盤，我都係黐住筍盤。”她指媽媽不擔心她遲婚，卻怕她未婚生子：“由十幾歲開始，媽咪就擔心我和妹妹會蝕底。她現在幫我照顧四隻貓咪，唔想太早湊孫。”

目前單身的靚湯，被問到可有獲邀上遊船開派對？她笑說：“我唔曬得，拍外景日日曬已經好辛苦，放假都宅在屋企睡覺，追求者會飄過。（可擔心追求者是為了你的財富？）咁又唔會，都係首次置業，全部都未供完，順其自然啦。依家大部分人都係遲婚，寧願遲結婚都唔想離婚。”