林雅詩帶傷拍廣告

林雅詩(Grace)昨日開工拍廣告，但未見男友馬天樂現身。但見她左手前臂包上黑色護帶，隱約見到三條透明膠布及血痕，全程顯得好避忌。

林雅詩繼一五年離婚後，近日其經理人兼男友馬天樂再被揭一腳踏兩船，與女助手誕下一子，兩人為此在醫院外疑發生爭執。昨日Grace心情低落，拍攝期間更忍不住落淚。但她表示因早已答應這次工作，就算心情未準備好，也不想影響工作。

Grace透露馬天樂有道歉，可是她不能接受，更不斷自責好蠢：“佢話同我嘈完交就去搵助手傾訴。個女人主動黐過來，男友怎會不鹹濕？所以有次把持不到，但一次就有小朋友？我問佢有無驗DNA，他說沒有。所以成件事都好令我搲爆頭！我知女助手仍喜歡他，但她又祝我幸福快樂。（你會否抽身？）這樣做最正確，成全他們一家人。我知他們仍在一起，大家都唔開心。”

問到現時心情，Grace謂：“有工作比較好，但都難過感到辛苦。在我心目中算係發生了件大事。好嬲，都已經發生三年。（現在跟馬天樂咩關係？）唔知咩關係，暫時自已接工作，但都在工作上有聯絡。有嘈交，始終仍未接受到這件事，我已經三日唔食唔瞓。”