羅霖美容院疫情價引客

藝人羅霖前晚接受香港開電視主播馬梓軒訪問，提到香港疫情近日有放緩跡象，但羅霖表示與三個兒子都不敢鬆懈：“我依家的口罩夠用一年！呢個疫情一日未有疫苗，一日都唔可以鬆懈。加上世界好多地方都未受控，現時大仔同細仔在香港、二仔Jordan就身在美國，因為當地疫情持續，我唯有叫佢盡量少出街。”

羅霖表示早前為配合政府停業令，經營多年的美容院關閉了廿八日，至近日才重開，影響相當大。她說：“疫情發生前，美容院每月平均有二百萬營業額，現時每月生意額只係之前的約四成。因為舖頭設在港島區，租金貴，但業主唔肯減租；加上停業近一個月，更加係雪上加霜。”

羅霖透露曾經感到灰心，但從未想過放棄美容院生意。她表示：“抗疫期間一定要樂觀正面，而且我都唔想員工失業，所以構思咗好多方法扭轉經營困局，例如用‘疫情價’吸引多啲客人幫襯。雖然扮靚唔算係生活必需要做的事，但女仔始終貪靚，所以我有信心生意會隨住美容院重開，會逐漸好轉。”