五分鐘學識吹色士風

林奕匡讚姜濤叻仔

姜濤與林奕匡這兩位風馬牛不相及的男歌手，近日在唱片公司撮合下首度合作。二人除了合唱各自的作品外，林奕匡亦首度擔任導師，教姜濤吹奏色士風。

姜濤與林奕匡(Phil)原本並不認識，但因為工作上用同一個監製，所以在工作室偶爾會碰面外，也曾在電視台外景廠碰面。今次得到唱片公司撮合，兩人合作拍攝了一條音樂短片。在片中，兩人除了演繹姜濤的《亞特蘭提斯》及Phil的《難得一遇》之外，Phil更充當音樂老師，即席教姜濤吹色士風。

姜濤興奮地表示：“同事問我有冇興趣學色士風？我覺得OK啊！不過睇過好多人吹，但唔知係怎麼一回事，唔明點解吹一啖氣會有咁多音。所以未開始學時，一諗到Phil教我已經好有壓力。但到真正開始後，Phil令我整個過程都有好多新發現，感覺好得意！”

作為老師的Phil，窩心地在拍攝前一日已為姜濤準備全新的簧片及吹嘴。現場所見，身為學生的姜濤很用心聆聽Phil的教導，結果在短短的五分鐘內，姜濤已學識吹奏一首簡短的兒歌，速度驚人。被問到這位徒弟仔表現如何？Phil即大讚：“好醒啊！未吹到個音已經唱到個音，而且個音仲好準呀！哈哈！今次係我第一次教人，所以唔知係我教得好，還是姜濤學得太快，短短五分鐘已勉強地學識一首歌，已經好叻！”

短短的合作過程中，姜濤與Phil互相加深認識。姜濤得知Phil為自己在鏡頭奉獻了教學第一次，大讚道：“你教得好好啊！不如我下次教返你跳舞！” Phil笑說：“之前只係睇相，總覺得姜濤外表有啲Cool、好少笑，但親身接觸後，發現佢幾可愛，少少得意、少少怕醜。”姜濤說：“以前在工作室會撞見，但冇機會傾吓偈，好開心有今次合作機會。”

姜濤更自爆入行前已很留意Phil：“今日見面對我來說好有意義，因為未入行已對Phil的歌好熟悉。我本身唔多聽廣東歌，但我係會聽Phil的歌，好開心有今次合作機會。而且我都算內向又怕醜，感謝Phil遷就我講咁多嘢。”Phil聽罷即表示：“畢竟係前輩呀！入行都十年，要主動少少的，大家都怕醜就好難做節目喇！而且聽到有後輩欣賞我的歌曲、或者未入行已經有聽過、有受到影響，係一件好開心的事。”