疫情持續受影響

食店老闆喊救命

營商歷來有風險

奉旨賺梗冇必然

受疫情影響，港澳海上交通停頓，陸路僅得大橋金巴，往港需隔離十四日。鑑於鄰埠又發生本地個案，恐社區爆發，須續閉關，令澳門要過香港睇病或有業務人士極為不便。

澳門病號幾清零，無個案卅多天，市民活動復常，加上政府發放消費卡，每逢周六日商場人頭湧湧，爭相購物，市面興旺，中小企得益不少，飲食業好生意。然而，與兩位飲食店老闆閒談，卻稱全無受惠。

水蟹鍋店老細榮慨嘆，自爆疫以來，新春回鄉團聚的內地勞工，一直不能來澳，這些伙記都是主力，其他臨工難擔大任，被迫暫時關門，白交貴租，後來減租一半，否則更傷。現時重開都要慢慢回復生意，那管昔日多港台明星光顧，省靚招牌又如何，一個疫情搞喎晒。

另一位粥麵店老闆亦話勞工被困內地等解禁，經已關門數月，全無收入，幸而自己舖，否則一早摺埋。現時索性退休，留待家人打理。

澳門係旅遊城市，七成靠內地客，兩成靠港客，現時乜客都冇，對手信業來說，大熱天時變寒冬，損失慘重。不少手信店連鎖經營，有些分店多到幾十家，除自擁物業，相信大部分都是租舖。現時生意唔見九成，早已買一送一。埋年時大量生產餅食手信，貨品堆積如山，有客來時，蝕本都要清貨。

澳門手信出名，杏仁餅、牛肉乾等遊客搶住買，但奇怪的是，澳人反而少食，趁買一送一及消費卡效應，才會購一些過口癮。手信店積貨太多，都很頭痛。

飲食行家話，凡開大個頭，都存在風險，做生意無賺梗者，就如今次疫情，香港不少店舖一鋪清袋，難以翻身！

羅倫斯