劉佩玥連拍兩劇自覺好運

劉佩玥(Moon)昨日返公司開工拍劇。Moon受訪時表示：“最近我同時為《七公主》和《超能使者》開工。在這個疫情時期仍有兩套劇拍，我都自覺好幸運，並多謝監製給我機會。講真，我都好耐冇試過兩套劇一齊拍，對上一次已係幾年前，當時同期拍《城寨英雄》及《實習天使》。（豈不是不夠時間休息？）都捱得住的，如果不夠時間瞓，就爭取喺車上瞓一陣，不過每日一定要返屋企沖涼，始終去過好多地方，怕身上有細菌，都要保護好自己同家人的。”

她又透露：“我在《超能使者》中會演陳展鵬老婆，但與郭子豪又有感情線。（與陳展鵬可有親熱戲？）有係有，但次次想錫埋去時，都畀人阻住。”

另外，她在近日播出的《降魔的2.0》中有一場露香肩色誘馬國明的戲份，她笑言：“馬明真係好好先生，拍攝時我要捉住佢隻手掂自己胸部，拍完佢隻手縮得仲快過我。”