好運先生 擺明要拼

澳馬戰火重燃，今晚上演一草五沙地混合賽。是仗無外地馬轉播，頭場七點○五分開跑。今晚無盃賽且出馬較少，各場形勢依然緊湊。馬少場合更呈暗湧，近賽不利熱門，提防又爆到七彩。騎師除中野省吾停賽外，續由原班人馬上陣。

筆者心水推介，第六場四班一五一○米，馮耀正廄“好運先生”可做此場馬膽。此駒連仗不勝即位，表現穩定。上次後追不及得季，拼後小休重上征途。賽前準備功夫已做足，原配恩利克不妨優先考慮。

“好運先生”三歲澳洲馬潛力未盡，季內五戰取兩勝一位，戰績不差。此駒跑沙地好腳法，前仗同程贏來易如反掌。上次縮至一三五○米大熱門跑第三，升班對手不同未能適應。今原班續戰不同估計，馬匹饒有竄勁，直路衝刺煞食，操足而臨，擺明要拼。騎者駕輕就熟，可平反敗局。