馬國明天熱趕拍劇嗌辛苦

昨日，馬國明回電視城趕拍無線新劇《BB大晒》。由於近日天氣炎熱，馬明指近日都只是拍行街傾偈的戲份：“但拍起來都熱到不停流汗，遲啲仲要拍跑街的戲份，到時應該會仲辛苦。其實，工作人員要戴住口罩開工都好辛苦的，我唯有萬歲買飲品畀佢哋消暑啦。（會否要超時拍攝？）好難講，因為戲中要同好多小朋友合拍，如果佢哋扭計就會拖遲拍攝進度。”

今日是母親節，馬明坦言要開工，“唯有之後先同媽咪補祝啦！其實，昨晚家姐已經同父母出街食飯預祝，我因為要開工冇去到。（可有送禮物給媽咪？）平時阿媽睇到啱就會買，我唔會因為母親節送禮物，為買而買好冇意思。（會否拉埋天窗當禮物？)唔知呀，睇緣份啦。”