何雁詩新歌向未婚夫示愛

何雁詩(Stephanie) 日前接受TVB娛樂新聞台節目專訪，大談成為獨立歌手並推出新歌的感受。Stephanie表示期待與其他音樂人合作，而且自己亦有寫歌，她說：“年尾會推出一首同Cousin Fung合作寫的歌，不過呢首歌係送畀Fred(鄭俊弘)，變成我同Cousin向Fred示愛。”

Stephanie透露新歌係搵人創作及編曲，令成本大增。她說：“計埋宣傳同拍MV，六位數字走唔甩。所以成日要計住數，有時仲好尷尬，因為平時好少要同人直接講價錢傾減價。”

問她已經準備好做人妻未？Stephanie說：“我覺得永遠都唔會Ready，但努力學習中。我依家多了時間去學煮食，之前上美女廚房，畀阿Bob打沉，好大陰影。我覺得依家有進步，最拿手係整薄餅、咕嚕肉同粟米斑塊，Fred都話好食。”