苑瓊丹童年跟阿媽逃學

苑瓊丹日前接受香港開電視《開工大吉 77》訪問，趁母親節大談與媽咪生活點滴。期間她回憶與亡母相處，眼濕濕說：“我記得阿媽好慳，坐幾毫子巴士買平餸，過年過節買幾隻雞、十斤豬肉，所以細細個開始，都已經訓練幫手拎重嘢。阿媽係福建人，同鄰居關係好好，所以街坊會教佢煲廣東湯水、整叉燒包，所以我好好食神！”

苑仔話媽咪不時帶佢周圍見識，逢周六都有活動，最終被班主任投訴：“因為我哋星期六都好多街去，好似去遊船河、食素之類，後來班主任乍型，問我做咩逢星期六都病！”苑仔話阿媽鼓勵子女自由發展，即使入娛樂圈都沒有反對：“其實只要我唔犯法，佢都會由得我！嗰時我都覺得自己幾靚女嘛，問阿媽：不如我去選美好唔好？佢話你咪去囉！”