賞適強配快放食糊

澳馬戰火重燃，今晚淨跑六場沙地賽，頭場七點○五分開始。騎師陣容黎家駒、任布利停賽，法國安萬堯復出上陣。綜觀大局，各場出馬多少不一，部分只八駒作賽，亦有十四匹爆棚場合。但馬多形勢亂，爆冷危機四伏，投注要執生。

筆者心水推介，第五場四五班一○五○米，王君適廄“賞適”可做馬膽。此駒上仗同程放至埋門乏力，四班作賽遇強敵，敗不為奇。拼後重整旗鼓再來，今次強配高君濤主轡，人馬老搭檔值得優先考慮。

“賞適”在澳服役後至今三捷，皆高君濤一手包辦可說人馬投緣。此駒前速銳利，一向靠快放食糊，同程更是唯一出路。上次田中正一埋門力弱，敗後重新打磨。回配高君濤幕後擺明取其人馬夾檔爭功。“賞適”上次四班角逐無功而回，此番四五班混合賽形勢逆轉，抽到二檔好位，出閘搶先一步，憑騎者功架，可勝回一局。