拍婚紗照唔需要男主角

吳嘉熙愛靚車

吳嘉熙早前為婚紗店拍攝婚紗造型照，當日出動兩部價值過百萬元的超級跑車做陪襯。穿梭超跑車外車內拍攝，她笑言非常過癮，但爬上車頂影相時非常擔心刮花咗賠唔起。

女子組合Super Girls成員吳嘉熙(Cheronna)早前到欣澳拍攝婚紗造型照，不過今次她是為朋友開設的婚紗店當模特兒。當日品牌方更出動兩部價值過百萬元的超級跑車為Cheronna做陪襯。對於今次未有男主角一起拍攝，Cheronna直言︰“一直以來婚紗相要有男主角，這輯相可以話畀大家聽，影婚紗相其實唔一定要有男主角，我也不會介意沒有男主角。”

拍攝當日，Cheronna換上五套不同造型的婚紗，其中不乏露背和騷腿，亦有超低胸中門大開的黑色型格婚紗。穿梭超跑車外車內拍攝，Cheronna直言非常過癮。她表示︰“造型有點性感，但我可以接受。幾套婚紗總的來說是性感的，亦很型格，我鍾意這種造型。而另一位主角就係超跑，我平時唔鍾意甜美風，鍾意型格路線。”

為了拍攝這輯型格婚紗造型效果好，Cheronna笑言連日來都有節食。她說︰“因為疫情關係，做運動的時間比之前少了，唯有節食。如果婚紗公司將來再同我合作，我可以再影一輯弗啲正啲的相。我亦唔介意冇男主角，如果可以再同靚車影，我會好開心。”不過，她透露要爬上車頂影時非常擔心︰“擔心刮花賠唔起，但過程好開心，因為平時冇咩機會可以坐上去。”