龐景峰推廣抗疫健身操

龐景峰昨日與好友張沛樂及簡思恩在記者會上示範三分鐘健身操，然後各自擺出一個如何提升免疫力的甫士，相當有趣。

一向熱愛功夫、致力推廣運動樂趣的龐景峰，為讓大家在家中可做抗疫運動，近日聯同兩位好友張沛樂及簡思恩示範Cardio Workout，並拍攝片段放在網上平台與大家分享。龐景峰表示這些動作充滿正能量、簡單易明易學，且鍛練心肺功能。他說：“最好一家大細一齊做運動、一齊學習、一齊鍛鍊、一齊大叫、一齊爆汗。”

龐景峰表示今次疫情係一個耐性考驗，亦係一個反省機會：“希望大家唔好再食野味，亦希望大家好好利用留在屋企的時間發掘一下自己的小宇宙，例如原來好多朋友都識煮飯、識畫畫、總之千祈唔好浪費光陰。”

龐景峰昨日在記招上表示：“見到好多朋友都在家工作，小朋友又冇得出街玩，而且好多朋友都話自己肥咗，佢哋好勤力上網學做運動，但係有啲運動難度太高，如果冇專人指導係會好容易整傷。所以我就想到不如試吓拍啲簡單易明易學的健身操，讓大家在屋企對住部電視學做，又唔使買任何儀器，就可以鍛鍊心肺功能，令心跳提升，提高體內多巴胺，大家仲可以變得更快樂！”