朱智賢獲監製張志明力撐

TVB娛樂新聞台日前推出一段描述朱智賢“奮鬥史”的短片，期望讓觀眾了解她多年來的努力。未料網民唔受落，更以“三宗罪”指斥朱智賢博取監製張志明歡心。

朱智賢“偷食”人夫黎振燁後，與男友謝東閔一齊現身記招道歉，表示她徹底知錯。無線亦給予她閉門思過的空間，又播放短片希望為她洗刷負面形象。

被網民指控“偏私”朱智賢的無線監製張志明，其後回應稱：“佢並非擦我鞋！當年佢落選港姐後，冇諗過入無線的，係我覺得佢OK、又乖女，所以叫佢做娛樂新聞、拍咗《三日兩夜》、《天與地》等。佢乖到不得了，唔通只係為咗一件事就要人哋死咩！佢係因為蠢而犯錯，唔通咁就冇翻身機會？其實我一直都想做呢個節目（奮鬥史），有好多TVB好好演技、做好耐都冇人留意的藝人，我好想畀人認識佢哋的努力，只係今次先做咗朱智賢！希望造謠者唔好咁冇良知，亂講造新聞！”

朱智賢亦回應了網民指控她嗒糖“大隻仔”黃庭鋒一事，她表示：“不是事實不回應，希望大家不要再騷擾我身邊的朋友，謝謝。”黃庭鋒亦表示：“完全冇咁嘅事，唔知點解咁寫。”