溫碧霞錄抗疫歌鼓舞人心

演藝界藝人以不同形式發力，與大家齊心抗疫。已有八年沒有推出新歌的溫碧霞(Irene)，近日再度執咪，灌錄了一首輕快的打氣歌《Make you Smile》，向全世界及護醫人員打氣。

Irene曾經推出過八張個人唱片，繼一二年推出國語EP後就專注電影工作，前年再復出歌壇舉行了一場非常成功的演唱會。今次因應新冠肺炎疫情，Irene再開金口灌錄抗疫打氣歌，為大家送上微笑。Irene非常認真，日前專誠邀請了排舞老師輝輝排舞，輝輝大讚Irene有跳舞天份，有節奏感又有美感。

Irene輕鬆地表示：“已經排咗三堂，進展理想。其實我好鍾意跳舞，所以好投入。而且呢首歌唱得好開心，又跳得開心。之前都有唱過快歌《森巴嘉年華》及《Stranger in the night》都係跳舞歌，所以今次再跳返舞，好開心呀。”Irene又謂：“《Make you Smile》係一首聽到令人快樂、旋律輕快的一首跳舞歌，希望帶多些正能量給大家，希望我哋可以開心面對將來，相信明天會更好。”