菊梓喬錄歌致喉嚨發炎

近年劇集歌曲大行其道，日前菊梓喬(Hana)、鄭俊弘(Fred)、張家誠(Alan)一起上許文軒(Edmond)的節目，分享他們創作及演繹劇集歌曲點滴。Hana說張家誠為她創作的《飛蛾撲火》足足錄了兩個月：“唱呢首歌好有感覺，一路錄一路喊，搞到喉嚨發炎，而且首歌好難唱，完全冇得透氣，要Mark低邊度透氣位，一唔透氣你之後就冇得透。”

Fred說第一次錄歌便是由張家誠監製，他說：“第一隻係錄《投降吧》，本身呢首唔係劇集歌，估唔到一首Side Track，竟然變成我最高點擊率嘅歌曲。其實第一次錄音時好緊張，因為冇乜經驗，唔知Alan有咩要求，原來佢要求都幾高，試過一句錄咗一晚，係咁畀佢捽。”

張家誠大爆其作品的創作靈感來得特別：“好似薛凱琪的《下次下次》，我發發吓夢突然有靈感，而鄭融的《紅綠燈》就係去泰國旅行游水，靈感突然閃出來，立即爬上水叫服務員畀張紙我記低。”