布志綸遠赴布拉格拍MV

布志綸(Alan) 日前作客接受TVB娛樂新聞台專訪，大談推出新歌《喘一口氣》感受。Alan說：“MR.有MR.的聲音，既然個人作品就梗係試下唔同聲音。我自一七年開始出個人單曲，六首歌都與不同的監製及音樂人合作，好明顯有六把風格的聲。我初初都唔習慣，好似《喘一口氣》就唱得好輕。以前MR.係一種情緒，就算情歌都唱得比較大力，所以今次新歌越唱得輕越難唱。”

談到新歌MV遠赴布拉格拍攝，他說：“我之前去過那裡，呢首歌真係諗住為布拉格而寫，因為當地古城好古舊，令你好似去到十六世紀的歐洲城市咁。希望大家聽呢首歌時都可以幻想跳出香港的感覺。另外我亦想幫公司慳預算，其實布拉格物價唔太貴，食飯搭的士都平過香港。不過就好凍，跳舞場面拍了好多次，但最後用返第一Take，因為後面睇到我塊面凍到僵硬，好呆滯。”

居家抗疫時期，已為人父的Alan表示享受和兒子的獨處時光：“我有時會帶佢去踩單車，等老婆有啲私人空間。不過有時個仔都會嫌見得我多，話我煩，叫我不如返工作室。”