持續進修須整頓

審批切勿瞌眼瞓

紓緩交通始顯現

輕軌速駁媽閣線

賀特首發表首份施政報告，重點疫後提振經濟，推進行政改革，提升治理水平，切實改善民生等，建設藍圖頗具前瞻，市民冀盡力做好。

行政改革將高教局合併教青局，統合有理。旅遊局納入經財範疇，以及其他部門併合，處理架床疊屋臃腫架構，或可改善跨部門難協調、互推諉，避免各自為政，三個和尚冇水食。

持續進修整頓暫停，決定果斷，倘屢次出現虛報出席率，欺騙公帑，監管出問題而當冇到，則抵打矣。持續進修項目五花八門，個別巧立名目，必須審慎批出。持修歷年消耗公帑近廿億，只看到散銀紙，有人出蠱惑！不少市民抱住冇蝕底心態，認是福利，大大話話六千文，唔報名就笨。幾年間，獲批項目之多，參與人次數十萬計，相當驚人，但未見對社會有何大效益。

持修計劃非澳門發明，其他地區也有舉辦，目的是鼓勵市民終身學習，提升技能，促進社會可持續發展。惟某些項目似賺錢買花戴，可有可無，不符實際，就應腰斬，為庫房慳荷包。

現時市民最關心的，仍是房屋及交通等民生問題，特別關注輕軌建設。輕軌橫琴線將來與內地高鐵銜接，施工將走河底隧道，必須規劃好。珠機城軌已駁至橫琴，竣工驗收，萬事俱備，不日通車，只欠澳門東風。東線從機場經氹仔E區再到新城A區，擬在東方明珠填海擴大路面，走地底連接關閘口岸，工程浩大，為澳門未來發展，必須興建。經歷過氹仔百億工程只能換來一條只適合旅客的線路，社會更迫切需要先駁至媽閣，起碼澳氹互通。現時媽閣交通樞紐尚未竣工，看來規劃好東線前，最實際應加速接駁澳氹線！

羅倫斯