防疫三招有始祖

新冠肆虐，談虎色變。政府有力，收治、隔離、封區，幾招鎖定疫情，居民暫得享平安。呢幾招乃中國人發明，得感謝百年前一年青醫生。

伍連德，祖籍廣東，馬來出生，英國劍橋醫學博士。一九一一年東北爆疫，伍公臨危受命，以廿四之齡遠赴東北抗疫。其時哈爾濱死人無數，佢現場解剖證實係鼠疫作祟，亦即致亡歐洲逾億人之黑死病。

然捉驗各地老鼠，竟無一帶此疫菌，卻招人致疫，冇理由吖！發現乃飛沫傳播，佢名之為“肺鼠疫”，乃醫學新分類。時任北洋醫學堂首席教授法國人梅尼唔信鏡，話伍公老作，佢更無防護出診，點知中咗，三日後歸西。

飛沫傳染咁厲害，點防？封口鼻！由是伍公以紗布包葯棉，發明口罩，人稱“

伍氏口罩”，沿用至今。並施收治、隔離、封區三招，杜絕疫症蔓延，救人無數。乃至一九三五年獲提名諾貝爾醫學獎，為國中第一人，被喻為“全世界救人最多醫生”。

西門公子