張振朗演技獲女友讚賞

張曦雯(Kelly)與張振朗昨日拍攝新劇《踩過界2》，兩人透露由於疫情關係，劇組早前取消到緬甸拍外景，下周會拉隊到大澳取景拍攝，由於交通問題，預計會留宿一星期。但同劇的朱敏瀚和孫慧雪就要繼續扮演緬甸人。

張振朗正在熱播的劇集《機場特警》中，因為陪蔡思貝而失約女友湯洛雯，問現實中有冇試過向女友“放飛機”？他笑道：“這角色真係好大膽，現實生活中一定不敢，否則要跪玻璃。”振朗稱自己在劇中角色的確令人討厭：“非一般的乞人憎，我自己都想打佢好耐，覺得好討厭，不過好在內心都係善良和肯幫人。”女友有冇讚他演技好？振朗唔好意思地說：“她有說好睇囉。”

張曦雯透露男友已完成隔離程序，首天見面已忍不住互相擁抱。Kelly說：“因為我生日就快到，男友送了VR遊戲給我，所以我們都忙在家中打機。”Kelly坦言最滿意今年的生日禮物，因為去年男友送她粉紅色手袋，但至今都沒有用過：“我唔似普通女仔咁喜歡手袋，亦唔使送昂貴禮物，一個VR遊戲已令我好開心。”